Заңсыз жолмен алынған кiрiстердi заңдастыруға (жылыстатуға) және терроризмдi қаржыландыруға қарсы iс-қимыл жөніндегі Еуразиялық топ (ЕАТ)

ЕАТ – ФАТФ (РГТФ) типі бойынша Еуразиялық аймақтарды: Беларусь, Үндістан, Қазақстан, Қытай, Қырғызстан, Ресей, Тәжікстан, Түркменстан және Өзбекстанды біріктіретін аймақтық құрылым болып табылады. Терроризм қаупін төмендету және ашықтылықты қамтамасыз ету, мемлекет аймақтарындағы қаржы жүйесінде сенімділік пен қауіпсіздік, сондай-ақ, мемлекет аймақтарын қылмыстық жолмен алынған кірістерді заңдастыруға және терроризмді қаржыландыруға қарсы іс-қимылдың халықаралық жүйесіне қатыстыруға арналған мәселелерде маңызды рол атқарады.

  ЕАТ-ның  құрылтай құжаттары (ЕАТ құру туралы декларация, ЕАТ құзырындағы мәселелер) 2004 жылы 6 қазанда елдер қол қойды.

ЕАТ-ның  жоғарғы органы ЕАТ мүше мемлекттерінің және бақылаушылардың қатысуымен жылына екі рет өткізілетін Пленарлық  мәжіліс болып табылады.

ЕАТ бақылаушысының мәртебесін алған 16 ел, оның ішінде: Армения, Ауғаныстан, Ұлыбритания, Германия, Грузия, Үндістан, Италия, Литва, Молдова, Польша, АҚШ, Түркменстан, Түркия, Украина, Франция және Жапния; сондай-ақ, 14 халықаралық аймақтық ұйымдар.

ЕАТ – ЕАТ мүше әрбір мемлекеттермен техникалық бағдарламаны жүзеге асырудағы бірден бір бағыт болып табылатын бақылаушы топтармен өзара белсенді жұмыс жасап келеді.

Қазақстан да УНОКД, Бүкіләлемдік банк/ХВҚ, ЕҚЫҰ, Қазақстандағы АҚШ елшілігі және өзге де донорлар ұйымдастырған кеңес беретін және оқыту семинарлар қатарына тартылып отыр.

 ЕАТ-ны Пленарлық мәжілісте 2 жылға сайланатын топ Төрағасы басқарады. Қазіргі таңда ЕАТ Төрағасы Ресей Федерациясы Президентінің Төрағасы Марков Олег Александрович.

 ЕАТ органының жұмыс функциясын ЕАТ  Хатшылығы орындайды. Атқарушы хатшысы  Игорь Небываев.

 ЕАТ шеңберінде келесідей жұмыс топтары  құрылып, жұмыс жасайды:

• Өзара бағалау және құқықтық мәселелер жөніндегі жұмыс тобы
• Типология бойынша жұмыс тобы
• Техникалық көмек жөніндегі жұмыс тобы
• Операциялық басшылықты әзірлеу жөніндегі уақытша жұмыс тобы.

Техникалық көмек көрсету жөніндегі жұмыс тобының тең төрағасы Қаржы монитоингі жөніндегі комитет басқармасының бастығы Арда Игембаев.

ЕАТ мемлекет аймақтарына қылмыстық жолмен алынған кірістерді заңдастыруға және терроризмді қаржыландыруға (ҚКЗ/ТҚ) қарсы күресте ұлттық жүйені құруға және дамытуға көмек көрсетіп, аймақтың экономикалық өсу әлеуетін және аймақтың орнықты дамуына, қылмыстық деңгейді төмендетуге, қаржы секторын басқаруды және барлық қатысушы-елдердің жақсаруына көмек көрсетеді.

ЕАТ-ның негізгі міндеттері:

• Еуразиялық аймақта ҚКЗ/ТҚ саласында халықаралық стандарттардың таралуына ықпал етіп, мүше мемлекеттерге – ЕАТ мүшелеріне ФАТФ-тың 40+9 ұсынымын енгізу;
• ҚКЗ/ТҚ саласындағы бірлескен оқыту іс-шараларын қаржы барлау бөлімшелерінің құзырында әзірлеу және өткізу;
• ЕАТ мүше мемлекеттердің өзара бағалау бағдарламасын ФАТФ ұсынымының 40+9 базасында жүзеге асыру, оған қоса заңнамалық және басқа шаралардың тиімділігін үйрену;
• Халықаралық ұйымдармен, жұмыс топтарымен және мүдделі мемлекеттермен ынтымақтастық бағдарламасын үйлестіру;
• қылмыстық жолмен алынған кірістерді заңдастыру және терроризмді қаржыландыруға қарсы іс-қимыл саласының және аймақтың ерекшелігіне қарай тәжірибе алмасу типологиясы.
• ЕАТ мүше мемлекеттеріне техникалық көмек көрсету.

Бұл міндеттерді жүзеге асыру әр елдегі топтар мен экономикалық өсу әлеуетін және аймақты орнықты дамуында ҚКЗ/ТҚ режимінің нәтижелігін арттыруға бағытталған.

Толығырақ ақпаратты ЕАТ ресми сайтынан ала аласыздар (www.eurasiangroup.org)