Қаржы мониторингі субъектілері ретінде жіктелетін ұйымдар тізімі

1. банктер, банк операцияларының жекелеген түрлерiн жүзеге асыратын ұйымдар;

2. биржалар;

3. сақтандыру (қайта сақтандыру) ұйымдары, сақтандыру брокерлерi;

4. жинақтаушы зейнетақы қорлары;

5. бағалы қағаздар нарығының кәсiби қатысушылары, орталық депозитарий;

6. ақшамен және (немесе) өзге мүлiкпен нотариаттық iс-қимылды жүзеге асыратын нотариустар;

7. адвокаттар, заң мәселелерi бойынша басқа да тәуелсiз мамандар - мынадай қызметтерге:

• жылжымайтын мүлiктi сатып алуға және сатуға;
• клиенттiң ақшасын, бағалы қағаздарын немесе өзге мүлкiн басқаруға;
• банктiк шоттарды немесе бағалы қағаздар шоттарын басқаруға;
• компанияларды құру, олардың жұмыс iстеуiн немесе оларды басқаруды қамтамасыз ету үшiн қаражат жинақтауға;
• заңды тұлғалардың не құрылымдардың кәсiпорындар құруға, оларды жұмыс iстетуге немесе басқаруға және сатып алуға-сатуға қатысты клиенттiң атынан немесе оның тапсырмасы бойынша ақшамен және (немесе) өзге мүлiкпен операцияларға қатысатын кездегi жағдайларда;

8. аудиторлық ұйымдар;

9. ойын бизнесi мен лотереяларды ұйымдастырушылар;

10. ақша аударымы қызметiн көрсететiн почта операторлары жатады.

Қазақстан Республикасының мемлекеттiк органдары қаржы мониторингiнiң субъектiлерi болып табылмайды.